Monday, June 7, 2010

പ്രചോധിനി - വനിതാ കണ്‍വെന്‍ഷന്‍

സമൂഹത്തിന്‍റെ മുഘ്യധാരായില്‍ വനിതസാനിദ്ധ്യം ഉറപ്പാക്കുന്നതിനും സഭയിലും സമൂഹത്തിലും അര്‍ഹമായ പ്രാതിനിധ്യം ലഭ്യമാക്കുന്നതിനും സമൂഹത്തിന്‍റെ മുഖ്യധാരയിലേക്ക് യുവതികളെ വളര്‍ത്തിക്കൊണ്ടുവരുന്നതിനും കെ.സി.വൈ.എം. പ്രസ്ഥാനം പ്രചോധിനി എന്ന സംരംഭത്തിലൂടെ വേദിയൊരുക്കുന്നു. സാമൂഹിക-സാംസ്കാരിക-രാഷ്ട്രീയ മേഖലകളില്‍ സ്ത്രീനേതൃത്വത്തിന് പ്രസക്തിയേറുന്ന ഈ കാലഘട്ടത്തില്‍ വ്യക്തവും സുദൃഡവുമായ ലകഷ്യബോധം നല്‍കി രാഷ്ട്രീയ-സാമൂഹിക-സാംസ്കാരിക തലങ്ങളില്‍ സ്വന്തം അവകാശങ്ങള്‍ സംരക്ഷിക്കുന്നതിനും നേടിയെടുക്കുന്നതിനും കത്തോലിക്കാ യുവതികള്‍ ശക്തരാകേണ്ടി യിരിക്കുന്നു. അതിനുള്ള പരിശീലനം നല്‍കി യുവതികളെ സജ്ജരാക്കുന്നതിനും കത്തോലിക്കാ യുവതികളുടെ ഒത്തു ചേരലിനും വെധിയോരുക്കുന്ന സംരഭമാണ് പ്രചോധിനി 2010 വനിതാ കണ്‍വെന്‍ഷന്‍.

2010 ജൂണ്‍ 11, 12, 13 തിയ്യതികളില്‍ തിരുവനന്തപുരം മലങ്കര അതിരൂപതയുടെ ആതിഥേയത്വത്തില്‍ തിരുവനന്തപുരം നാലാഞ്ചിറ റിന്യുവല്‍ സെന്ററില്‍ വെച്ചാണ് പ്രസ്തുത വനിതാകണ്‍വെന്‍ഷന്‍ നടത്തുന്നത്. ജൂണ്‍ 11 ന് വൈകുന്നേരം 4 മണിക്ക് രാജിസ്ട്രേഷനോടെ ആരഭിക്കുന്ന കണ്‍വെന്‍ഷന്‍ 13 ന് ഉച്ചകഴിഞ്ഞ്‌ 3 മണിക്ക് അവസാനിക്കും. വികസിതരാഷ്ട്രനിര്‍മിതിക്ക് വിശ്വാസസ്ത്രീത്വം എന്നതാണ് പ്രചോധിനി 2010 കണ്‍വെന്‍ഷന്‍റെ ആപ്തവാക്യം. വനിതകളുടെ വ്യക്തിത്വ വളര്‍ച്ചയ്ക്കും, സാമൂഹിക നവോതഥാനത്തിനും ഉപകരിക്കുന്ന രീതിയില്‍ വിവിധ വിഷയങ്ങളെ അധികരിച്ച് വിദഗ്ധര്‍ നയിക്കുന്ന ക്ലാസ്സുകള്‍, വര്‍ക്ക്ഷോപ്പുകള്‍, ചര്‍ച്ചകള്‍, സംവാദങ്ങള്‍, ആത്മീയ വിരുന്നുകള്‍ എന്നിവ കണ്‍വെന്‍ഷന്‍റെ പ്രത്യേകതയാണ്ണ്‍.

1 comment: