Monday, June 14, 2010

പ്രചോധിനി സമാപിച്ചു


കെ.സി.വൈ.എം. സംസ്ഥാന സമിതിയുടെ നേതൃതത്തില്‍ ജൂണ്‍ 11, 12, 13 തിയ്യതികളില്‍ തിരുവനന്തപുരം മലങ്കര അതിരൂപതയുടെ ആതിഥേയത്വത്തില്‍ നാലാഞ്ചിറ റിന്യുവല്‍ സെന്ററില്‍ നടന്ന പ്രചോധിനി 2010, സംസ്ഥാന വനിതാ കണ്‍വെന്ഷന്‍ സമാപിച്ചു. "വികസിതരാഷ്ട്ര നിര്മിതിക്ക് വിശ്വാസസ്ത്രീത്വം" എന്ന ആപ്തവാക്യത്തെ ആസ്പദമാക്കി നടന്ന കണ്‍വെന്ഷനില്‍ കേരളത്തിലെ വിവിധ രൂപതകളില്‍ നിന്നുമുള്ള വനിതാ പ്രതിനിധികള്‍ പങ്കെടുത്തു.

സമൂഹത്തിന്‍റെ മുഘ്യധാരായില്‍ വനിതസാനിദ്ധ്യം ഉറപ്പാക്കുന്നതിനും സഭയിലും സമൂഹത്തിലും അര്‍ഹമായ പ്രാതിനിധ്യം ലഭ്യമാക്കുന്നതിനും സമൂഹത്തിന്‍റെ മുഖ്യധാരയിലേക്ക് യുവതികളെ വളര്‍ത്തിക്കൊണ്ടുവരുന്നതിനും കെ.സി.വൈ.എം. പ്രസ്ഥാനം പ്രചോധിനി എന്ന സംരംഭത്തിലൂടെ വേദിയൊരുക്കുന്നു. സാമൂഹിക-സാംസ്കാരിക-രാഷ്ട്രീയ മേഖലകളില്‍ സ്ത്രീനേതൃത്വത്തിന് പ്രസക്തിയേറുന്ന ഈ കാലഘട്ടത്തില്‍ വ്യക്തവും സുദൃഡവുമായ ലകഷ്യബോധം നല്‍കി രാഷ്ട്രീയ-സാമൂഹിക-സാംസ്കാരിക തലങ്ങളില്‍ സ്വന്തം അവകാശങ്ങള്‍ സംരക്ഷിക്കുന്നതിനും നേടിയെടുക്കുന്നതിനും കത്തോലിക്കാ യുവതികള്‍ ശക്തരാകേണ്ടിയിരിക്കുന്നു. അതിനുള്ള പരിശീലനം നല്‍കി യുവതികളെ സജ്ജരാക്കുക എന്നതായിരുന്നു വനിതാ കണ്‍വെന്ശന്റെ മുഖ്യ ലക്‌ഷ്യം.

ജൂണ്‍ 11 ന് വൈകുന്നേരം കെ.സി.വൈ.എം. സംസ്ഥാന വൈസ് പ്രസിഡന്റ്‌ അനിത ആണ്ട്രു കെ.സി.വൈ.എം. പതാക ഉയര്‍ത്തി പരിപാടികള്‍ക്ക് തുടക്കം കുറിച്ച്. തുടര്‍ന്ന് അനിത ആണ്ട്രുവിന്റെ അധ്യക്ഷതയില്‍ നടന്ന ഉത്ഘാടന സമ്മേളനത്തില്‍ ഐ.സി.വൈ.എം. ദേശീയ ജനറല്‍ സെക്രട്ടറി ജോയസ് മേരി ആന്റണി കണ്‍വെന്ഷന്‍ ഉത്ഘാടനം ചെയ്തു. തിരുവനന്തപുരം മലങ്കര അതിരൂപത ആര്‍ച്ച് ബിഷപ്പ് മാര്‍ ബസേലിയോസ് ക്ലിമ്മീസ് കാതോലിക്കബാവ അനുഗ്രഹ പ്രഭാഷണവും കെ.സി.വൈ.എം. സംസ്ഥാന പ്രസിഡന്റ്‌ ദീപക് ചെര്‍ക്കൊട്ട് മുഘ്യപ്രഭാഷണം നടത്തി. കെ.സി.വൈ.എം. സംസ്ഥാന ഡയറക്ടര്‍ ഫാ.ജെയ്സണ്‍ കൊള്ളന്നുര്‍, മലങ്കര അതിരൂപത ഡയറക്ടര്‍ ഫാ. ബര്‍ണാര്‍ഡ വലിയവിളയില്‍, ആനിമേറ്റര്‍ സി. ജെര്മൈന്‍ ഡി.എം., രൂപത പ്രസിഡന്റ്‌ ഷൈബു സാം, സിണ്ടികേറ്റ് അംഗം മിനി മേരി എന്നിവര്‍ ആശംസകളര്‍പ്പിച്ചു സംസാരിച്ചു. കെ.സി.വൈ.എം. സംസ്ഥാന ജനറല്‍ സെക്രടറി ജോണ്സന്‍ ശൂരനാട്, വൈസ് പ്രസിഡന്റ്‌ എ.ബി. ജസ്റിന്‍, സംസ്ഥാന ഭാരവാഹികളായ സന്തോഷ്‌ മൈലം, മരീന റിന്‍സി, ലിജോ പയ്യപള്ളി, ടിറ്റു തോമസ്‌, ട്വിന്ക്ള്‍ ഫ്രാന്‍സിസ്, തിരുവനന്തപുരം രൂപത ഭാരവാഹികള്‍ എന്നിവര്‍ പരിപാടികള്‍ക്ക് നേതൃത്വം നല്‍കി.

വനിതകളുടെ വ്യക്തിത്വ വളര്‍ച്ചയ്ക്കും, സാമൂഹിക നവോതഥാനത്തിനും ഉപകരിക്കുന്ന രീതിയില്‍ വിവിധ വിഷയങ്ങളെ അധികരിച്ച് വിദഗ്ധര്‍ ക്ലാസ്സുകള്‍ നയിച്ചു. വര്‍ക്ക്ഷോപ്പുകള്‍, ചര്‍ച്ചകള്‍, സംവാദങ്ങള്‍ എന്നിവയും കണ്‍വെന്‍ഷന്റെ ഭാഗമായി നടന്നു. മനുഷ്യാവകാശ കമ്മിഷന്‍ അധ്യക്ഷ ജസ്റ്റിസ് ശ്രീദേവി, ശ്രീമതി ലിഡ ജേക്കബ്‌ ഐ.എ.എസ്. എന്നിവര്‍ ക്ലാസ്സുകള്‍ നയിച്ചു.

കണ്‍വെന്‍ഷന്റെ ചിത്രങ്ങള്‍ കാണുവാനായ് ഇവിടെ ക്ലിക്ക് ചെയ്യുക.

No comments:

Post a Comment