Tuesday, June 8, 2010

മിജാര്‍ക്ക്-കെ.സി.വൈ.എം. അന്താരാഷ്‌ട്ര സെമിനാറും പൊതുസമ്മേളനവും റാലിയും

പാരിസ്ഥിതിക പ്രശ്നങ്ങളും ആധുനിക സാമ്പത്തിക ഭകഷ്യ പ്രതിസന്ധികളും ലോകത്തിന് തന്നെ ഭീക്ഷണിയാകുന്ന സാഹചര്യത്തില്‍ പരിസ്ഥിതി സംരക്ഷണവും കാര്‍ഷിക മേഖലയുടെ ഉയിര്‍ത്തെഴുന്നെല്പും ഇന്നിന്‍റെ ആവശ്യമായി മാറിയിരിക്കുകയാന്നു. അന്തര്‍ദേശീയ ദേശീയ ഭൂകൈയേറ്റങ്ങള്‍ ജനങ്ങളെയും രാജ്യങ്ങളെയും ചൂഷണം ചെയ്ത് കാര്‍ഷികമേഖലയുടെ തകര്‍ച്ചയിലേക്കും വലിയ ഭകഷ്യപ്രതിസന്ധിയിലേക്കും ചെറുകിട കര്‍ഷകരുടെ ജീവിതപ്രതിസന്ധികളിലെക്കും വഴി തെളിക്കുന്നവയാണ്. ഈ സാഹചര്യത്തില്‍ അന്താരാഷ്‌ട്ര കാര്‍ഷിക യുവജനസംഘടനയായ മിജാര്‍ക്ക് നേതൃത്വം നല്‍കുന്ന ബോധവല്‍കരണ പ്രവര്‍ത്തന പരിപാടികള്‍ക്ക് കെ.സി.വൈ.എം. ആതിഥേയത്വം വഹിക്കുന്നു.

1954ല്‍ ആരംഭിച് ഏഷ്യ, ആഫ്രിക്ക, യൂറോപ്, ലാറ്റിന്‍ അമേരിക്ക എന്നീ 4 ഭൂഘണ്ടങ്ങളിലായി 45 രാജ്യങ്ങളില്‍ സജീവമായി പ്രവര്‍ത്തിക്കുന്ന അന്താരാഷ്‌ട്ര കത്തോലിക്കാ കാര്‍ഷിക യുവജനസംഘടനയാണ് മിജാര്‍ക്ക്. കാര്‍ഷിക, ഗ്രാമീണ മേഖലകളില്‍ പ്രവര്‍ത്തിക്കുന്ന 20 ലക്ഷം യുവജനങ്ങള്‍ അംഗങ്ങളായിട്ടുള്ള മിജാര്‍ക്കിന്‍റെ ഔദ്യോഗിക അംഗസംഘടനയാണ് കെ.സി.വൈ.എം. UNESCO, FAO, ILO, ECOSOC, എന്നീ ഐക്യരാഷ്ട്രസംഘടനയുടെ വിവിധ കമ്മിറ്റികളില്‍ അംഗത്വം ഉള്ള മിജാര്‍ക്ക് വത്തിക്കാന്‍റെ പൊന്തിഫിക്കല്‍ അത്മായ കമ്മീഷന്റെ അംഗസംഘടന കൂടിയാണ്. മിജാര്‍ക്ക്‌ന്‍റെ ഏഷ്യന്‍ കോര്‍ഡിനേഷന്‍ മീറ്റിങ്ങും വേള്‍ഡ് കോര്‍ഡിനേഷന്‍ മീറ്റിങ്ങും അന്താരാഷ്‌ട്ര സെമിനാറും ജൂലൈ 13 മുതല്‍ ഓഗസ്റ്റ്‌ 1 വരെ കേരള കത്തോലിക്കാസഭയുടെ ആസ്ഥാനമായ എറണാകുളം പി.ഒ.സി.യില്‍ വെച്ച് നടക്കുന്നു.

ചെറുകിട കര്‍ഷകരുടെ അവകാശങ്ങള്‍, കാര്‍ഷിക രംഗത്തെ യുവജനങ്ങളുടെ സജീവമായ ഇടപെടല്‍, സുസ്ഥിര കാര്‍ഷിക ഭകഷ്യ സുരക്ഷ പ്രവര്‍ത്തനങ്ങള്‍, ജൈവവൈവിധ്യ സംരക്ഷണം, പരിസ്ഥിതി സംരക്ഷണം എന്നിവ മിജാര്‍ക്ക്‌ പ്രത്യേക ഊന്നല്‍ നല്‍കി പ്രവര്‍ത്തിക്കുന്ന മേഖലകളാണ്. ജൂലൈ 17 മുതല്‍ ഓഗസ്റ്റ്‌ 1 വരെ പി.ഒ.സി.യില്‍ വെച്ച് നടക്കുന്ന അന്തര്‍ദേശീയ സെമിനര്‍ന്റെ പ്രത്യേക ചര്‍ച്ചാ വിഷയം കൂടിയാണിത്. ഇതോടൊപ്പം, കാര്‍ഷികമേഖലയെ താറുമാറാക്കി ഭകഷ്യ സുരക്ഷ്യക്ക്‌ ഭീക്ഷണിയുണ്ടാക്കുന്ന ദേശീയ അന്തര്‍ദേശീയ ഭൂകൈയ്യേറ്റങ്ങള്‍ വ്യാപകമാകുന്ന ഈ സാഹചര്യത്തില്‍ മിജാര്‍ക്ക്‌ ഇതിനെതിരെ ലോകവ്യാപകമായി സംഘടിപ്പിക്കുന്ന ബോധവത്കരണ പ്രചരണ പരിപാടികള്‍ക്ക് 2010 ജൂലൈ 24ന് ഇരിങ്ങാലക്കുട രൂപതയുടെ ആതിഥേയത്വത്തില്‍ ചാലക്കുടിയില്‍ വെച്ച് നടക്കുന്ന റാലിയിലൂടെയും പൊതുസമ്മേളനത്തിലൂടെയും തുടക്കം കുറിക്കുന്നു. വിവിധ രാജ്യങ്ങളില്‍ നിന്നുള്ള പ്രതിനിധികള്‍ അടക്കം കാല്‍ ലക്ഷം യുവജനങ്ങള്‍ പങ്കെടുക്കുന്ന റാലിക്ക് വിവിധ സാമൂഹിക സന്നദ്ധ സംഘടനകള്‍, പ്രസ്ഥാനങ്ങള്‍ എന്നിവയുമായി സഹകരിച്ചു കെ.സി.വൈ.എം. നേതൃത്വം നല്‍കുന്നു.

ഇന്ത്യയിലും ഏഷ്യയിലും ആദ്യമായി നടക്കുന്ന വേള്‍ഡ് കോര്‍ഡിനേഷന്‍ മീറ്റിങ്ങിനും അന്തര്‍ദേശീയ സെമിനാറിനും ആതിഥേയത്വം വഹിക്കുന്നത് കെ.സി.വൈ.എം. ആണ്. ഇതിനു മുന്നോടിയായി ജൂലൈ 13 മുതല്‍ 17 വരെ ഏഷ്യന്‍ ഭൂഘണ്ടത്തിലെ വിവിധ രാജ്യങ്ങളുടെ പ്രതിനിധികള്‍ പങ്കെടുക്കുന്ന സമ്മേളനവും പി.ഒ.സി.യില്‍ വെച്ച് നടക്കും. 17 മുതല്‍ നടക്കുന്ന അന്തര്‍ദേശീയ സെമിനാറില്‍ വിവിധ ഭൂഘണ്ടങ്ങളുടെ പ്രതിനിധികള്‍, വിവിധ രാജ്യങ്ങളുടെ പ്രതിനിധികള്‍ എന്നിവര്‍ പങ്കെടുക്കും. ജൂലൈ 24ന് രാവിലെ ഒരു അന്തര്‍ദേശീയ സിമ്പോസിയം ആതിരപ്പള്ളിയില്‍ വെച്ച് നടക്കും. ജൈവവൈവിധ്യം-വിത്ത് സംരക്ഷണം-ചെറുകിട കര്‍ഷകരുടെ പങ്ക് എന്ന വിഷയത്തെ ആസ്പദമാക്കിയാണ് സിമ്പോസിയം. അന്താരാഷ്‌ട്ര പ്രതിനിധികള്‍, വിവിധ സംഘടനകളുടെയും പ്രസ്ഥാനങ്ങളുടെയും പ്രതിനിധികള്‍, കേരളത്തിലെ എല്ലാ രൂപതകളില്‍ നിന്നുമുള്ള പ്രതിനിധികള്‍ എന്നിവര്‍ സിമ്പോസിയത്തില്‍ പങ്കെടുക്കും. ജൂലൈ 24ന് ഉച്ചകഴിഞ്ഞ് 2 മണിക്ക് ചാലക്കുടി ഫൊറോനപള്ളി ഓഡിറ്റോറിയത്തില്‍ പൊതുസമ്മേളനവും തുടര്‍ന്ന് റാലിയും നടക്കും. കെ.സി.വൈ.എം. ഇരിങ്ങാലക്കുട രൂപതയാണ് റാലി, പൊതുസമ്മേളനം, സിമ്പോസിയം എന്നീ പരിപാടികള്‍ക്ക് ആതിഥേയത്വം വഹിക്കുന്നത്. ദേശീയ അന്തര്‍ദേശീയ ഭൂകൈയ്യേറ്റങ്ങല്‍ക്കെതിരെയുള്ള അന്താരാഷ്‌ട്ര കാമ്പയിന്‍റെ ജനകീയ ബോധവത്കരണത്തിന്‍റെ ഉദ്ഘാടനവും അന്നു നടക്കും.

No comments:

Post a Comment