Tuesday, March 30, 2010

ലോക യുവജനദിനാഘോഷം

"വിശ്വാസയുവത്വം വികസിതരാഷ്ട്രം" എന്ന സന്ദേശവുമായി കേരളത്തിലെ 30 രൂപതകളിലെയും യുവജനങ്ങളുടെ സംഗമം കെ.സി.വൈ.എം. സംസ്ഥാന സമിതിയുടെ നേതൃത്വത്തില്‍ നെയ്യറ്റിന്‍കരയില്‍ വെച്ച് നടത്തപെട്ടു. ലോകയുവജന ദിനത്തോടനുഭന്ധിച്ചു നെയ്യറ്റിന്‍കര വെള്ളറട തെക്കന്‍ കുരിശുമലയില്‍ വെച്ച് മാര്‍ച്ച്‌ 28 -നാണ് പ്രസ്തുത പരിപാടി നടത്തപെട്ടത്. രാവിലെ 9 മണിക്ക് കെ.സി.ബി.സി. യൂത്ത് കമ്മീഷന്‍ ചെയര്‍മാനും  നെയ്യറ്റിന്‍കര രൂപതാധ്യക്ഷനുമായ ബിഷപ്പ് ഡോ. വിന്‍സെന്‍റ് സാമുവല്‍ കുരുത്തോല ആശിര്‍വധിച്ചു. തുടര്‍ന്ന് യുവജനങ്ങള്‍ വി. തോമസ്‌ മൂര്‍ നഗറില്‍ (കൂതാളി ജങ്ങ്ഷന്‍) നിന്ന് കുരുത്തോല പ്രദിക്ഷണമായി വെള്ളറട കുരിശുമല സംഗമവേദിയില്‍ എത്തിച്ചേര്‍ന്നു. പ്രദിക്ഷണത്തിനു ശേഷം ബിഷപ്പ് ഡോ. വിന്‍സെന്‍റ് സാമുവലിന്റെ മുഖ്യ കാര്‍മികത്വത്തില്‍ ദിവ്യബലി അര്‍പ്പിച്ചു.

ദിവ്യബലിക്ക് ശേഷം നടന്ന പൊതു സമ്മേള്നം ബിഷപ്പ് ഡോ. വിന്‍സെന്‍റ് സാമുവല്‍ ഉത്ഗാടനം ചെയ്തു. കെ.സി.വൈ.എം. സംസ്ഥാന പ്രസിഡന്റ്‌ ദീപക് ചെര്കോട്ട് അധ്യക്ഷനായിരുന്ന സമ്മേളനത്തിനു കെ.സി.വൈ.എം. ജനറല്‍ സെക്രടറി ജോണ്‍സന്‍ ശൂരനാട് സ്വാഗതവും, നെയ്യറ്റിന്‍കര രൂപത വികാരി ജനറല്‍ മോണ്‍. ജി. ക്രിസ്തുരാജ് ആമുഘ സന്ദേശവും നല്‍കി. പ്രസ്തുത യോഗത്തില്‍ കെ.സി.വൈ.എം. തിരുവനന്തപുരം ലത്തീന്‍ രൂപത ഡയറക്ടര്‍ ഫാ. പോല്‍ സണ്ണി, മിജാര്‍ക്ക് ഏഷ്യന്‍ കോര്‍ഡിനേറ്റ്ര്‍ അനില്‍ ജോസ്, ഐ.സി,വൈ.എം. ജനറല്‍ സെക്രടറി ജോയ്സ് മേരി, മാധ്യമ പ്രവതകനായ രാഹുല്‍ ഈശ്വര്‍, നെയ്യറ്റിന്‍കര രൂപത കെ.സി.വൈ.എം ഡയറക്ടര്‍ ഫാ. സാബു വര്‍ഗീസ്‌, നെയ്യറ്റിന്‍കര രൂപത കെ.സി.വൈ.എം. പ്രസിഡന്റ്‌ ടിനി കുമാര്‍, കെ.എല്‍.സി.എ. നെയ്യറ്റിന്‍കര രൂപത പ്രസിഡന്റ്‌ സഹായദാസ് കെ. എല്‍. എന്നിവര്‍ ആശംസകള്‍ അര്‍പ്പിച്ചു സംസാരിച്ചു. സമ്മേളനത്തിന് കെ.സി.വൈ.എം. സംസ്ഥാന സെക്രടറി സന്തോഷ്‌ മൈലം നന്ദി പറഞ്ഞു. തുടര്‍ന്ന് കെ.സി.വൈ.എം. സംസ്ഥാന പ്രസിഡന്റ്‌ ദീപക് ചെര്‍ക്കൊട്ടിന്റെ നേതൃത്വത്തില്‍ യുവജനങ്ങള്‍ തെക്കന്‍ കുരിശുമലയിലേക്ക് പദയാത്ര നടത്തി.


ലോക യുവജന ധിനഗോഷത്തിന്റെ ചിത്രങ്ങള്‍ കാണുവാന്‍ ഇവിടെ ക്ലിക്ക് ചെയ്യുക.

No comments:

Post a Comment